ஆன்லைனில் விற்கப்படும் பொருட்களில் 5ல் ஒன்று போலியானது என்பது சமீபத்திய ஆய்வின் மூலம் கண்டறியப்பட்டுள்ளது.

ஆன்லைன் விற்பனை தொடர்பாக லோக்கல் சர்க்கில் என்ற இணையதளம் சமீபத்தில் ஆய்வு ஒன்றை நடத்தி உள்ளது. 30 ஆயிரம் பேரிடம் நடத்தப்பட்ட இதன் ஆய்வறிக்கை தற்போது வெளியிடப்பட்டுள்ளது.

இந்த ஆய்வின் முடிவில், கடந்த 6 மாதங்களில், ஆன்லைன் மூலம் போலியான பொருட்கள் தங்களிடம் விற்கப்பட்டதாக 20 சதவிகித வாடிக்கையாளர்கள் தெரிவித்துள்ளனர். மேலும் எந்த ஆன்லைன் நிறுவனங்கள் அதிகளவில் போலி பொருட்களை விற்பனை செய்கின்றன என்ற கேள்விக்கு, ஸ்னாப்டீஸ் என்று 37 சதவிகிதம் பேரும், 22 சதவிகிதம் பேர் பிளிப்கார்ட் என்றும், பேடிஎம் மால் என 21 சதவிகிதம் பேரும் கூறியுள்ளனர்.

மேலும் 20 சதவிகிதம் பேர் அமோசான் நிறுனம் போலியான போருட்களை விற்பதாக தெரிவித்துள்ளனர். நறுமண மற்றும் ஒப்பனை பொருட்கள், விளையாட்டுக்கு தேவையான பொருட்கள் மற்றும் பைகள் ஆகியவை தான் போலியானவையாக இருக்கின்றன என ஆய்வறிக்கையில் கூறப்பட்டுள்ளது.