ஒருவர் நிகழ்த்தும் தேடல் வரலாற்றை ரகசியமாக வைத்திருக்கும் வகையில் கூகுள் நிறுவனம், குரோம் பிரௌசரில் உருவாக்கிய அம்சம் தான் ’இன்காக்னிட்டோ’.

ஆனால் இதை பயன்படுத்தி ஆபாச வலைதளங்களை அணுகுபவர்களாக நீங்கள் இருந்தால், உங்களுக்காக கூகுள் வெளியிட்டுள்ள முக்கிய தகவலை நீங்கள் தெரிந்துக்கொள்ள வேண்டும்.

’ஆபாசம்’ என்ற வார்த்தைக்கு தமிழில் பல அர்த்தங்கள் இருந்தாலும், இன்று அது இணையதளங்களோடு தொடர்புப்படுத்தியே அதிகம் பேசப்படுகிறது.

’இன்காக்னிட்டோ’வின் கண்சிமிட்டி ஸ்மைலி- ரகசியம் இதுதான்..!!

’பார்ன், ’செக்ஸ்’, ’ஆபாசம்’ என்ற வார்த்தைகள் மீதான தேடல்கள் எவ்வளவு முறை நிகழ்த்தப்பட்டன என்ற கூகுளிடம் கேட்டால், புள்ளி விவரங்களை துல்லியமாக வழங்கும்.

அதிகளவிலான ஆபாச வலைதளங்களை பார்க்கும் நபர்களுக்கு, கூகுள் ஒரு குறிப்பிட்ட “குறியீட்டை” விண்டோவில் காட்டும். அது தொழில்நுட்ப அம்சமோ அல்லது அப்டேட் வெர்ஷனோ இல்லை.

தொடர்ந்து ஆபாச வலைதளங்களை பாக்கும் பயனாளிகளுக்கு கூகுள் அனுப்பும் ஒரு குறுஞ்செய்தி அடங்கிய அம்சம் தான் அந்த குறியீடு.

’இன்காக்னிட்டோ’வின் கண்சிமிட்டி ஸ்மைலி- ரகசியம் இதுதான்..!!

தொழில்நுட்ப உலகில் புதிய கண்டுபிடிப்பாக இருக்கும் ‘இன்காக்னிட்டோ’-வை பலரும் ஆபாச வலைதளங்களை பார்க்கவே பயன்படுத்தி வருவதாக கூகுளின் தரவுகள் தெரிவிக்கின்றன.

இந்நிலையில், ஒரு மறைநிலைப் பயன்முறையின் மூலம் (இன்காக்னிட்டோ) 100 விண்டோக்களை திறக்கும் போது, ’கண்சிமிட்டி புன்னகைக்கும் ஸ்மைலி’ ஒன்று தோன்றும்.

இது இன்காக்னிட்டோ விண்டோவின் டேப் கவுன்டர் அருகில் தோன்றும். ஆண்ட்ராய்டு கைப்பேசி என்றால் இந்த ஸ்மைலி கண்டித்து சிரிப்பது போல இருக்கும். ஐஓஎஸ் என்றால் சாதாரண ஸ்மைலியாகவே இருக்கும்.

’இன்காக்னிட்டோ’வின் கண்சிமிட்டி ஸ்மைலி- ரகசியம் இதுதான்..!!

இன்காக்னிட்டோ விண்டோவில் ’கண்சிமிட்டி ஸ்மைலி’ எதை உணர்த்துகிறது என்பது கூகுள் இன்னும் தெளிவாக கூறவில்லை. ஆனால், மறைநிலைப் பயன்முறையின் எல்லையை தேடல் நிகழ்த்துபவர் கடந்துவிட்டார் என்பதை இது குறிப்பதாக எடுத்துக்கொள்ளப்படுகிறது.

காரணம், பிரௌசிங் ஹிஸ்டரி ஆதாரத்தை சேர்க்காமல் பயனர் உலாவ ‘இன்காக்னிட்டோ’ முறை அனுமதிக்கிறது. இந்த முறையில் நீங்கள் தகவலை தேடும் போது கைப்பேசி, மடிக்கணினி என்ற எதிலும் உங்களது தேடல் விவரங்கள் சேமிக்கப்படமாட்டாது.

ஆனால், எதற்கும் ஒரு எல்லை உண்டு என்பதை போல, ‘இன்காக்னிட்டோ’-வில் மறைமுக தேடலுக்கும் ஒரு எல்லை உண்டு என்பதை உணர்த்தவே இந்த ’கண்சிமிட்டி ஸ்மைலி’ குறியீடு தோன்றுவதாக அணுமானிக்கப்படுகிறது.