'hacky hack hack': australian teen breaches apple's secure network

ஒரு சிறுவன் ஆப்பிள் நிறுவனத்தின் தகவல் பாதுகாப்பு தொடர்பான நெட்வொர்க்கை ஹேக் செய்து ஏராளமான பைல்களை டவுண்லோட் செய்துள்ளான்.

ஆப்பிள் நிறுவனத்தின் நெட்வொர்க் ஹேக்கர்களால் எளிதில் உடைக்க முடியாத அளவிற்கு வலுவான கட்டமைப்பு கொண்டதாக பெயர் பெற்றது. ஆனால் அந்நிறுவனத்தின் தகவல் பாதுகாப்பு நெட்வொர்க்கை ஆஸ்திரேலியாவைச் சேர்ந்த சிறுவன் எளிதாக ஹேக் செய்திருக்கிறான்.

16 வயதான அந்தச் சிறுவன் மெல்போன் நகரில் உள்ள தனது வீட்டில் இருந்தபடியே ஆப்பிள் நெட்வொர்க் பாதுகாப்புகளைத் தகர்த்து அதிலிருந்து 90GB அளவுக்கு பைல்களை டவுண்லோட் செய்திருக்கிறான். அவை அனைத்தும் ஆப்பிள் நிறுவனத்தின் முக்கியமான ரகசிய ஆவணங்கள் ஆகும்.

இது குறித்து அறிந்த ஆப்பிள் நிறுவனம் அளித்த புகாரின் பேரில் அமெரிக்க உளவு அமைப்பான எஃப்.பி.ஐ. மற்றும் ஆஸ்திரேலிய போலீஸ் விசாரணை நடத்தியது.

இதில் மெல்போர்னில் உள்ள அந்தச் சிறுவனின் வீட்டிலில் விசாரணை நடத்தப்பட்ட போது, இரண்டு ஆப்பிள் லேப்டாப், ஒரு மொபைல் போன், ஒரு ஹார்டு ட்ரைவ் ஆகியவை கைப்பற்றப்பட்டன. கைப்பற்றிய ஒரு லேப்டாப்பில் அந்தச் சிறுவன் டவுண்லோட் செய்த 90GB டேட்டா ‘Hacky hack hack’ என்ற ஃபோல்டரில் இருப்பதும் கண்டுபிடிக்கப்பட்டது. ஐபி முகவரி (IP Addess) பொருந்தியதை வைத்து அந்தச் சிறுவன் ஹேக் செய்திருக்கிறான் என உறுதிசெய்யப்பட்டது. சிறுவனிடம் விசாரணை நடத்தியபோது அவன் தன் குற்றத்தை ஒப்புக்கொண்டதுடன் ஆப்பின் நிறுவனத்தில் வேலை பார்க்க வேண்டும் என்பதே தனது கனவு என்றும் கூறியுள்ளான்!

இது தொடர்பான வழக்கு விக்டோரியா சிறார் நீதிமன்றத்தில் நடைபெறுகிறது. அடுத்த மாதம் சிறுவனக்கு தண்டனை அறிவிக்கப்படும் எனத் தெரிகிறது.