கடுமையான பனிபொழிவில் சிக்கிக்கொண்டதால் சீனா உடனான இந்திய எல்லையில் அமைந்துள்ள இமையமலைப் பகுதியில் குறைந்தது 300 மலை மாடுகள் உணவின்றி, பட்டினியால் உயிரிழந்துள்ளன.

வெள்ளியன்று, சிக்கிம் மாநிலத்தில் உள்ள முக்குதாங் பள்ளத்தாக்கில் அந்த மாடுகளின் இறந்த உடல்கள் கண்டெடுக்கப்பட்டன என்று ராஜ் யாதவ் எனும் அரசு அதிகாரி ஒருவர் தெரிவித்துள்ளார்.

பனிப்பொழிவு அதிகமுள்ள பகுதியில், சென்ற டிசம்பர் மாதம் முதலே அந்த மலை மாடுகள் சிக்கியிருந்தன. ஹெலிகாப்டர் மூலம் அவற்றுக்கு உணவைக் கொண்டு சேர்க்கும் அரசு அதிகாரிகளின் முயற்சி மோசமான வானிலை காரணமாக சாத்தியமில்லாமல் போனது.

பல்லாயிரம் ஆண்டுகளாகவே இமயமலைப் பகுதிகளில் வாழும் இந்த மாடுகள் உணவு மற்றும் பால் தேவைகளுக்காக மட்டுமல்லாது பொதி சுமக்கவும் பயன்படுத்தப்படுகின்றன.