cbi begins preliminary inquiry into cambridge analytica’s role over data breach scandal

இந்தியாவில் கேம்பிரிட்ஜ் அனாலிட்டிகா மூலம் தகவல் திருட்டு நடைபெற்றிருக்கிறதா என்பது குறித்து சிபிஐ முதல்கட்ட விசாரணையைத் தொடங்கியுள்ளது.

2016ஆம் ஆண்டு நடைபெற்ற அமெரிக்க அதிபர் தேர்தலில் டொனால்ட் ட்ரம்பிற்கு ஆதரவாக பிரிட்டனை சேர்ந்த கேம்பிரிட்ஜ் அனாலிட்டிகா என்ற நிறுவனம் பிரசாரம் மேற்கொண்டது. அந்நிறுவனம் பேஸ்புக் பயன்படுத்தும் 5 கோடி பேரின் விவரங்களை திருடியது என்பதை தொழில்நுட்ப வல்லுநர் கிறிஸ்டோபர் வைல்அம்பலப்படுத்தினார்.

2014 மற்றும் 2015ஆம் ஆண்டுகளில் கேம்பிரிட்ஜ் அனாலிட்டிகாவில் தொழில்நுட்ப வல்லுநராக பணியாற்றிய வைல், இந்தியாவில் நடைபெற்ற தேர்தலிலும் கேம்பிரிட்ஜ் அனாலிட்டிகா நிறுவனத்திற்கு தொடர்பு உண்டு என்றும் தெரிவித்துள்ளார்.

மேலும் கேம்பிரிட்ஜ் அனாலிட்டிகாவுடன் இந்திய தேசிய காங்கிரஸ் கட்சிக்குத் தொடர்பு உள்ளதாகவும் வைல் தெரிவித்தார். இது பெரும் சர்ச்சையை ஏற்படுத்தியது.

இந்நிலையில், சிபிஐ இந்த விவகாரத்தில் முதல்கட்ட விசாரணையைத் தொடங்கியுள்ளதாக அறிவித்துள்ளது.