சந்திராயன் 2 விண்கலத்தின் லேண்டர் உடனான தகவல் தொடர்பு இழக்கப்பட்டுள்ள நிலையில் இந்தியர்கள் ஒவ்வொருவரும் இஸ்ரோ விஞ்ஞானிகள் உடன் இருப்பதாக இந்தியப் பிரதமர் நரேந்திர மோடி தெரிவித்துள்ளார்.

எதிர்பார்த்த வேகத்தைவிட விக்ரம் லேண்டர் வேகமாகச் சென்று நிலவின் மேற்பரப்பை தொட்டது என்று மோடி தமது உரையில் குறிப்பிட்டார்.

நிலவின் மேற்பரப்புக்கு மேல் 2.1 கிலோ மீட்டர் உயரத்தில் இருந்தபோது தகவல் தொடர்பு துண்டிக்கப்பட்டது என்று மட்டுமே இஸ்ரோ தெரிவித்திருந்த நிலையில், விக்ரம் நிலவின் மேற்பரப்பைத் தொட்டது என்று நரேந்திர மோடி கூறியுள்ளார்.

ஒருவேளை விக்ரம் நிலவின் மேற்பரப்பின் மீது விழுந்து விட்டது என்று தகவல் பிரதமருக்கு தெரிவிக்கப்பட்டியருக்கலாம் என்று கருதப்படுகிறது.

இன்று, சனிக்கிழமை காலை, பெங்களூரில் உள்ள இஸ்ரோ கட்டுப்பாட்டு மையத்தில் விஞ்ஞானிகள் இடையே உரையாற்றிய மோடி இதைத் தெரிவித்தார்.