தமிழகத்தில் இந்த ஆண்டு போதிய அளவு மழை பெய்யாததால், சென்னையில் தண்ணீர் தட்டுப்பாடு ஏற்பட வாய்ப்புள்ளது என்று தமிழ்நாடு வெதர்மேர் கணிப்பு வெளியிட்டுள்ளார்.

அந்தமான் அருகில் வங்கக்கடலில் புதிதாக 2 காற்றழுத்த தாழ்வு நிலை உருவாகியுள்ளது. இதன் காரணமாக தற்போது தமிழகத்தில் மீண்டும் மழை பெய்யத் தொடங்கியுள்ளது. நேற்று சென்னையில் பல இடங்களில் மிதமான மழை பெய்தது.

வங்கக்கடலில் உருவான காற்றழுத்த தாழ்வு நிலை, தாழ்வு பகுதியாக வலுப்பெற வாய்ப்புள்ளதாக வானிலை ஆய்வு மையம் தெரிவித்துள்ளது. இதைத் தொடர்ந்து தமிழகத்தில் ஒரு சில இடங்களில் மழை பெய்ய வாய்ப்புள்ளது என்று வானிலை ஆய்வு மையம் தெரிவித்துள்ளது.

இந்த நிலையில், தமிழ்நாடு மழை நிலவரம் குறித்து, தமிழ்நாடு வெதர்மேன் கணிப்பு வெளியிட்டுள்ளார். இது குறித்து அவர் தனது ஃபேஸ்புக் பக்கத்தில் பதிவிட்டுள்ளார். அதில், நேற்று சென்னையில் பல இடங்களில் பரவலாக மழை பெய்தது. அதே போன்று குன்னூர் அருகிலும் மழை பெய்ய வாய்ப்புள்ளது. டெல்டா பகுதிகள் மற்றும் விருதுநகர் ஆகிய இடங்களில் மிதமான மழை பெய்யும். ஆனால், கனமழைக்கு மட்டும் வாய்ப்பில்லை என்று அவர் கூறியுள்ளார். மேலும், சென்னையில், இந்த ஆண்டு பெய்ய வேண்டிய மழையை விட குறைவான மழையே பெய்துள்ளது. இதனால், சென்னையில், மழைநீர் தட்டுப்பாடு ஏற்பட வாய்ப்புள்ளது என்று அவர் கூறியுள்ளார் என்பது குறிப்பிடத்தக்கது.