ஆஸ்திரேலியாவுக்கு எதிரான முதல் டெஸ்ட் போட்டியில் இந்தியா வீரர்கள் தடுமாறிய நிலையில், புஜாரா சிறப்பாக விளையாடி சதம் அடித்துள்ளார்.

ஆஸ்திரேலியா சுற்றுப் பயணம் மேற்கொண்டுள்ள இந்திய அணி 3 டி20, 4 டெஸ்ட் போட்டி, 3 ஒருநாள் போட்டிகளில் விளையாட உள்ளது. 3 டி20 போட்டி தொடர் இந்தியா, ஆஸ்திரேலியா 1-1 வென்றதால் என சமனில் முடிந்தது.

டெஸ்ட் தொடரின் முதல் டெஸ்ட் போட்டி அடிலெய்ட் மைதானத்தில் இன்று தொடங்கி நடைப்பெற்று வருகின்றது. இதில் டாஸ் வென்ற இந்திய அணி முதலில் பேட்டிங் செய்ய தீர்மானித்தது.

இதில் இந்திய முக்கிய பேட்ஸ்மேன்கள் வரிசையாக விக்கெட்டுகளை இழந்து தடுமாறினர்.
ராகுல் 2, முரளி விஜய் 11, கோலி 3, ரஹானே 13 என வரிசையாக விக்கெட்டை இழந்தனர்.

ஆனால் மறுபுறம் ரோகித் சர்மா 37, பண்ட் 25, அஸ்வின் 25 ஆகியோருடன் சிறப்பான பார்ட்னர்ஷிப் அமைத்த புஜாரா 246 பந்துகளில் 2 சிக்ஸர் 7 பவுண்டரி விளாசி 123 ரன்களை எடுத்து விக்கெட்டை இழந்தார்.
இது டெஸ்ட் தொடரில் புஜாரா அடித்த 16வது சதம் ஆகும்.