மோட்டோரோலா நிறுவனத்தின் One தொடரின் கீழ் உள்ள Motorola One, Motorola One Power மற்றும் Motorola One Vision-ஐ தொடர்ந்து Motorola One Action எனும் புதிய ஸ்மார்ட்போன் நேற்று அறிமுகமானது.

கலக்கலான கேமராத்துறையை கொண்டுள்ள இந்த ஸ்மார்ட்போன், தன்னுள் கொண்டுள்ள பிரத்யேக சென்சார் மூலம் ஆக்ஷன் புகைப்படங்களை கைப்பற்றும்படி வடிவமைக்கப்பட்டுள்ளது. உடன் புகைப்பட பிரியர்களை மென்மேலும் கவரும்படி, மோட்டோரோலா ஒன் ஆக்ஷன் ஆனது அதன் பின்புறத்தில் மூன்று கேமரா அமைப்பு கொண்டுள்ளது. அதில் 117 டிகிரி அல்ட்ரா-வைட் ஆங்கிள் லென்ஸ் ஒன்றும் உள்ளடக்கம்.

இதன் கேமரா அமைப்பானது, ஸ்மார்ட்போனை நீங்கள் செங்குத்தாக வைத்திருக்கும் போதும் கூட லேண்ட்ஸ்கேப் வடிவின் கீழ் வீடியோக்களை பதிவு செய்யும் திறனை கொண்டுள்ளது. முந்தைய மாடல்களை போலவே, மோட்டோரோலா ஒன் ஆக்ஷன் ஆனது 21: 9 சினிமா விஷன் டிஸ்ப்ளேவை கொண்டுள்ளது. இது சமீபத்திய ஸ்மார்ட்போன் டிரெண்ட் ஆன Hole-punch வடிவமைப்பை பெற்றுள்ளது.

இரட்டை சிம் (நானோ) ஆதரவு கொண்டுள்ள மோட்டோரோலா ஒன் ஆக்ஷன் ஆனது ஆண்ட்ராய்டு 9 பை கொண்டு இயங்குகிறது. இந்த ஸ்மார்ட்போன் ஆண்ட்ராய்டு கியூ மற்றும் ஆண்ட்ராய்டு ஆர் ஆகியவற்றுக்கு மேம்படுத்தக்கூடியது என்று நிறுவனம் தனது வலைப்பதிவின் வழியாக உறுதியளித்தது.

இந்த ஸ்மார்ட்போன் 6.3 இன்ச் அளவிலான முழு எச்டி+ (1080×2520 பிக்சல்கள்) ஐபிஎஸ் சினிமாவிஷன் டிஸ்பிளேவை கொண்டுள்ளது. இது Octa-core Samsung Exynos 9609 SoC மற்றும் 4ஜிபி ரேம் உடனான Mali G72 MP3 GPU கொண்டு சக்தியூட்டப்படுகிறது.

இதன் புதிய ட்ரிபிள் ரியர் கேமரா அமைப்பானது ஆக்ஷன் காட்சிகளை கைப்பற்றுவதற்காகவே கட்டமைக்கப்பட்டுள்ளது. இது பின்பக்கத்தில், f/1.8 லென்ஸ் உடனான ஒரு 12 மெகாபிக்சல் அளவிலான முதன்மை கேமரா + 2 மைக்ரான் பிக்சல் சைஸ் மற்றும் f/2.2 லென்ஸ் உடனான 117-degree அளவிலான Field of View கொண்ட ஆக்ஷன் கேமரா + f/ 2.2 லென்ஸ் உடனான ஒரு 5 மெகாபிக்சல் டெப்த் சென்சார் ஆகியவைகளை கொண்டுள்ளது. இந்த அமைப்பில், வீடியோ பதிவின் போது ஏற்படும் நடுங்கல்களை குறைக்கும் ‘Enhanced Video Stabilisation’ பயன்படுத்தியுள்ளது.

முன்பக்கத்தை பொறுத்தவரை, 1.25 மைக்ரான் பிக்சல் சைஸ் மற்றும் f/ 2.0 லென்ஸ் உடனான ஒரு 12 மெகாபிக்சல் அளவிலான செல்பீ கேமராவை கொண்டுள்ளது. இது போர்ட்ரெய்ட் லைட்டிங், ஷாட் ஆப்டிமைசேஷன், ஆட்டோ ஸ்மைல் கேப்சர், குரூப் செல்பி, போர்ட்ரெய்ட் மோட் மற்றும் சினிமாகிராஃப் போன்ற அம்சங்களை ஆதரிக்கிறது.

இந்த புதிய மோட்டோரோலா ஸ்மார்ட்போன் ஆனது 10W சார்ஜிங்கை ஆதரிக்கும் 3,500 எம்ஏஎச் பேட்டரி மூலம் சக்தியூட்டப்படுகிறது. அளவீட்டில் 160.1×71.2×9.15 மிமீ மற்றும் 160 கிராம் எடையும் கொண்டுள்ளது.