தமிழகத்தில் நாளை மறுநாள் மக்களவை தேர்தல் நடைபெறுகிறது. இதையொட்டி இன்று மாலை உடன் தேர்தல் பிரச்சாரம் முடிந்துள்ளது. இந்த சூழலில் வேலூர் மக்களவை தொகுதியில் தேர்தலை ரத்து செய்து தேர்தல் ஆணையம் அதிரடி உத்தரவு பிறப்பித்துள்ளது.

முன்னதாக திமுக பொருளாளர் துரைமுருகன், அவரது மகன் கதிர் ஆனந்த் ஆகியோருக்கு தொடர்புடைய இடங்களில் ரூ.10 கோடிக்கும் அதிகமாக பணம் கைப்பற்றப்பட்டது. இதுதொடர்பாக கதிர் ஆனந்த் மீது பல்வேறு வழக்குகள் தொடரப்பட்டுள்ளன.

இதுதொடர்பாக இந்திய தலைமை தேர்தல் ஆணையத்தில் எடுத்துரைக்கப்பட்டு, குடியரசுத் தலைவர் ஒப்புதல் உடன் தேர்தல் ரத்து செய்யப்பட்டுள்ளது. இதற்கடுத்த 2 மணி நேரத்தில் கனிமொழி வீட்டில் வருமான வரித்துறை சோதனையில் இறங்கியுள்ளது.