தொடர்ந்து பெய்து வரும் கடும் மழை காரணமாக மலையகத்தில் பிரதான நீர்தேக்கங்களின் வான்கதவுகள் திறந்து விடப்பட்டுள்ளன.

வான்கதவுகள் திறந்து விடப்பட்டுள்ளதால் களனி ஆற்றின் நீர் மட்டம் அதிகரித்துள்ளதாகவும், இதனால் அதனை அண்டிய பிரதேசங்களை சேர்ந்த மக்களை மிகுந்த அவதானத்துடன் இருக்குமாறும் அதிகாரிகள் கேட்டுக் கொண்டுள்ளனர்.

இதற்கமைய, கெனியன் நீர்தேக்கத்தின் மூன்று வான்கதவுகளும் திறக்கப்பட்டுள்ளன.

அத்தோடு விமலசுரேந்திர நீர்தேக்கத்திலிருந்து மேலதிக நீர் வெளியாகுவதுடன், மேல் கொத்மலை நீர்தேக்கத்தின் பிரதான வான்கதவு ஒன்றும் திறந்து விடப்பட்டுள்ளது.