நயன்தாரா தற்போது விஜய் 63 படத்தில் பிஸியாக நடித்து வருகிறார் என்பதும் குறிப்பிடத்தக்கது
நயன்தாராவின் ஐரா பட புகைப்படங்கள் வெளியாகியுள்ளன.
இமைக்கா நொடிகள் கோலமாவு கோகிலா, விஸ்வாசம் ஆகிய தொடர் வெற்றிப் படங்களைக் கொடுத்த நயன்தாரா நடிப்பில் உருவாகியுள்ளது ஐரா.
ஹாரர் ஜானரில் உருவாகியுள்ள இந்தப் படத்தில், நயன்தாரா இரண்டு தோற்றங்களில் நடித்துள்ளார்.
லட்சுமி, மா ஆகிய குறும்படங்களை இயக்கிய சர்ஜூன் இந்தப் படத்தை இயக்கியுள்ளார்.
படத்தில் நயன்தாராவுடன் கலையரசன், யோகிபாபு, ஜெயபிரகாஷ், லீலாவதி உள்பட பலர் முக்கிய கதாபாத்திரங்களில் நடித்துள்ளனர்.
சமீபத்தில் வெளியான இந்தப் படத்தின் டீசர் ரசிகர்களிடையே நல்ல வரவேற்பைப் பெற்றுள்ளது.

ஐரா படத்தின் ட்ரெய்லர் வரும் 20-ம் தேதி வெளியாகவுள்ள நிலையில், மார்ச் 28-ம் தேதி படம் திரைக்கு வரும் என்றும் அதிகாரப்பூர்வமாக அறிவி
க்கப்பட்டுள்ளது.

ஐரா படத்தை அடுத்து நடிகர் சிவகார்த்திகேயனுக்கு ஜோடியாக மிஸ்டர் லோக்கல் படத்திலும் நாயகியாக நடித்துள்ளார் நயன்தாரா. இந்தப் படம் மே 1-ம் தேதி திரைக்கு வரும் என்றும் அதிகாரப்பூர்வமாக அறிவிக்கப்பட்டுள்ளது.நயன்தாரா தற்போது விஜய் 63 படத்தில் பிஸியாக நடித்து வருகிறார் என்பதும் குறிப்பிடத்தக்கது.