நாம் அடிக்கடி உபயோகிக்கும் காய்கறிகளில் மிகவும் முக்கியமான இடத்தை வகிப்பது பீட்ரூட் ஆகும். பீட்ரூட் ஆரோக்கியமான மற்றும் ஊட்டச்சத்துக்கள் அதிகம் நிறைந்த ஒரு காயாகும். உங்களின் ஆரோக்கியமான உணவுகளின் பட்டியலில் கண்டிப்பாக பீட்ரூட்டின் பெயர் இருக்கும். ஆனால் இதற்கு மற்றொரு புறம் உள்ளது.

எந்தவொரு காய்கறியும், பழமும் தீங்கானது அல்ல. நாம் அதனை எப்படி எடுத்துக்கொள்கிறோம், எவ்வளவு எடுத்துக் கொள்கிறோம் என்பதை பொறுத்தே அவற்றின் பலன்கள் நம்மை பாதிக்கிறது. அவ்வாறு பார்க்கும் போது பீட்ரூட் நமக்கு சில பாதிப்புகளை ஏற்படுத்தக்கூடும். இந்த பதிவில் பீட்ரூட்டை அதிகம் எடுத்துக்கொள்ளும்போது ஏற்படும் பாதிப்புகள் என்னென்ன என்று பார்க்கலாம்.

நீங்கள் நாள் முழுவதும் எடுத்துக்கொள்ளும் உணவுகள் உங்கள் சிறுநீரின் நிறத்தை பாதிக்கும். அதிகளவு பீட்ரூட் சாப்பிடுவது உங்கள் சிறுநீரின் நிறத்தை மாற்றக்கூடும். இரும்புச்சத்து குறைவாக உள்ளவர்களுக்கு இந்த பாதிப்பு எளிதில் ஏற்படும். பீட்டூரியா என்பது ஆபத்தான நோயாக இல்லாமல் இருக்கலாம் ஆனால் இரும்பு வளர்சிதை மாற்றத்தில் ஏற்படும் பிரச்சினைகள் குறித்த அவசியத்தை இது உணர்த்துகிறது.

பீட்ரூட்டில் ஆக்ஸலைட்டுகள் அதிகம் உள்ளது, இதனால் சிறுநீரகக் கற்கள் ஏற்படும் வாய்ப்புள்ளது. உங்களுக்கு ஏற்கனவே சிறுநீரக கற்கள் இருந்தால் மருத்துவர்கள் உங்களை பீட்ரூட் சாப்பிடுவதை நிறுத்த அறிவுறுத்துவார்கள். உங்களுக்கு சிறுநீரக கற்கள் இல்லை என்றால் பிரச்சினையில்லை ஆனால் பீட்ரூட் அதிகம் சாப்பிடுவதால் அந்த பிரச்சினை ஏற்படலாம். பீட்ரூட்டில் அதிகம் உள்ள ஆக்சலேட் கால்சியம் ஆக்சலேட் சிறுநீரக கற்கள் ஏற்பட காரணமாகிறது.

சிலருக்கு இந்த பாதிப்பு ஏற்பட வாய்ப்புகள் உள்ளது. பீட்ரூட் சாப்பிடுவதால் சிலருக்கு தடிப்புகள், அரிப்பு, காய்ச்சல் போன்ற எதிர்வினைகள் ஏற்பட வாய்ப்புள்ளது. சிலருக்கு இதனால் குரல் வளையங்களில் சுருக்கம் கூட ஏற்படலாம். சிறுநீரில் இரத்தம் இருக்கும் நிலை ஹெமாட்டூரியா ஆகும். பீட்ரூட் இந்த நிலையை ஏற்படுத்தவில்லை என்றாலும், அதன் அறிகுறிகள் பீட்டூரியாவைப் போலவே இருக்கின்றன.

இது ஒருவகையில் உங்களுக்கு நல்லதாக கூட அமையலாம். ஆனால் அனைத்துத் தருணங்களிலும் அல்ல. உங்கள் இரத்த அழுத்தம் ஏற்கனவே சீரற்று இருந்தால் இது உங்கள் நிலையை மோசமாக்கலாம். ஏனெனில் பீட்ரூட் உங்கள் இரத்த அழுத்தத்தில் திடீர் சரிவை ஏற்படுத்தும். மேலும் இது உங்கள் இரத்த நாளங்களை நீர்த்துப் போக செய்து இரத்த ஓட்டத்தை அதிகரிக்கும். இதற்கு காரணம் இதிலிருக்கும் நைட்ரேட்டுகள் ஆகும்.

பீட்ரூட்டில் அதிகளவு மக்னீசியம், இரும்புச்சத்து, தாமிரம் மற்றும் பாஸ்பரஸ் உள்ளது. இவை நல்லதுதான் ஆனால் இதிலிருக்கும் ஆபத்து என்னவென்றால் இவை அனைத்தும் உலோக சேர்மங்கள். இதனை அதிகம் சாப்பிடுவது உங்களின் கல்லீரல் மற்றும் கணையத்தில் அதிக பாதிப்பை ஏற்படுத்தும்.