facebook bug unblocks blocked users from people's block list

பேஸ்புக் சமூக வலைத்தளத்தில் ஏற்பட்ட கோளாறினால் அதன் பயனாளர்களின் பிளாக் லிஸ்டிலிருந்து சுமார் 8 லட்சம் பேரின் பெயர்கள் நீக்கப்பட்டுள்ளன.

இது குறித்து பேஸ்புக் சமூக வலைத்தளத்தின் நிறுவனர்களில் ஒருவரான மார்க் ஜூக்கர்பெர்க் வெளியிட்டிருக்கும் தகவலில் தற்காலிகமாக பேஸ்புக் கணக்கில் பிளாக் செய்யப்பட்ட கணக்குகள் நீக்கப்பட்டதாகக் கூறியுள்ளார்.

மே 29ஆம் தேதி முதல் ஜூன் 5ஆம் தேதி வரை ஒரு பேஸ்புக் பயனாளர் பிளாஸ் செய்த நபரும் அந்த பயனாளரின் பதிவுகளைப் பார்க்கும் வசதி இருந்திருக்கிறது. இதற்குக் காரணம் இணையதளத்தில் ஏற்பட்ட தொழில்நுட்பக் கோளாறு (Bug) என்று பேஸ்புக் கூறியுள்ளது.

இதன் மூலம் சுமார் 8 லட்சம் பேர் பிளாக் லிஸ்டிலிருந்து நீக்கப்பட்டிருந்தனர் என்றும் யாருடைய பிளாக் லிஸ்டிலிருந்து பெயர்கள் நீக்கப்பட்டனவோ அவர்களுக்கெல்லாம் இது பற்றி தகவல் தெரிவிக்கப்படும் என்றும் அந்நிறுவனம் தெரிவித்துள்ளது.