பொங்கல், தீபாவளி என்றால் முதலில் களைகட்டுவது செல்போன் விற்பனைதான். இவற்றுள் பட்ஜெட் செல்போன்கள் நடுத்தரவர்க்கத்தை அதிகம் கவரும். ஜியோமி, ஒப்போ, விவோ என பல சீன ஸ்மார்ட்போன்கள் இந்திய செல்போன் மார்கெட்டைப் பிடித்துள்ள போதிலும் தென் கொரிய நிறுவனமான சாம்சங் அதன் இடத்தை என்றும் பிற பிராண்டுகளுக்கு விட்டுக்கொடுத்ததில்லை. பொங்கலுக்கு அறிமுகமாகவுள்ள சாம்சங்கின் புதிய போன்கள் குறித்து பார்ப்போம்.

சாம்சங் கேலக்சி எம்10 மற்றும் எம்20 ஆகிய போன்கள் இந்த மாதத்தில் வெளியாக உள்ளன. இதன் சிறப்பம்சம் இதில் இன்ஃபினிட்டி வி நாட்ச் (Infinity V notch) டிஸ்பிளே எனப்படும் சிறப்புகள் கொண்ட அதிநவீன டிஸ்பிளேவுடன் வர உள்ளது. எம் 10 மாடல் போன்கள் ரூ. 9,500 மற்றும் எம்20-ன் விலை ரூ. 15,000. இவை தவிர எம்30 மாடலும் வெளியாக உள்ளது.

சாம்சங்கின் மிகப்பெரிய போட்டி நிறுவனம் ஜியோமி. ஜியோமி ரெட்மீ போன்கள் சாம்சங் போன்களின் விற்பனைக்கு மிகப்பெரிய போட்டியாக இருந்து வந்தது. சாம்சங் ஜே சீரீஸ் போன்கள் விற்பனைக்கு இவை அதிகபோட்டியாக இருந்ததை அடுத்து மேம்படுத்தப்பட்ட எம் சீரீஸை சாம்சங் வெளியிடுகிறது.

இவற்றில் 6 இஞ்ச் டிஸ்பிளேவுடன் அதிநவீன 1.6 ஜிகா ஹேர்ட்ஸ் எக்ஸினாஸ் (Exynos) ஆக்டாகோர் பிராசஸர் உள்ளதாக ஏற்கனவே தகவல் வெளியிடப்பட்டு இருந்தது.ஆட்ராய்டு 8.1 ஓரியோ வெர்ஷனில் வெளியாகும் இந்த போன்கள் 3 ஜிபி ராம் திறன் மற்றும் 32 ஜிபி ஸ்டோரேஜுடன் வெளியாக உள்ளது குறிப்பிடத்தக்கது.