சிங்கப்பூரில் நடைபெற்ற முதல் சந்திப்புக்குப் பிறகு இரண்டாவது முறையாக அமெரிக்கா மற்றும் வட கொரியாவின் அதிபர்களின் சந்திப்பு வியட்நாமில் நடைபெற உள்ளது.

கடந்த 2018ஆம் ஆண்டு ஜூன் 12ஆம் தேதி சிங்கப்பூரில் சென்டோசா தீவில் நடைபெற்ற உச்சி மாநாட்டில் அமெரிக்க அதிபர் டொனால்டு ட்ரம்ப் மற்றும் வடகொரிய அதிபர் கிம் ஜாங் உன் ஆகியோர் முதல் முறையாக சந்தித்துக்கொண்டனர்.

வரலாற்று முக்கியத்துவம் வாய்ந்த இந்தச் சந்திப்பின்போது, இரு நாடுகளிடையே பல்வேறு ஒப்பந்தங்கள் கையெழுத்தாயின. குறிப்பாக, உலக நாடுகள் அனைத்தும் எதிர்பார்த்தபடி, தமது நாட்டில் உள்ள அணு ஆயுதங்களை நிரந்தரமாக அழிக்க உறுதியளிக்கும் ஒப்பந்தத்தில் வட கொரிய அதிபர் கிம் ஜோங் உன் கையெழுத்திட்டார்.

இச்சந்திப்புக்குப் பின் இரண்டாவது முறையாக நடைபெறும் அணு ஆயுத மாநாட்டில் அமெரிக்க அதிபர் டொனால்ட் ட்ரம்ப் கிம் ஜோங் உன்னை சந்திக்க இருக்கிறார். வரும் பிப்ரவரி 27 மற்றும் 28 ஆகிய தேதிகளில் வியட்நாம் நாட்டின் நகரான ஹனோய் நகரில் சந்திக்க உள்ளனர்.