தமிழகம் மற்றும் இந்தியாவின் பிற பகுதிகளில் பெய்துவரும் கனமழையால் பல பகுதிகளில் வெள்ளம் ஏற்பட்டுள்ளது, சில இடங்களில் உயிரிழப்புகளும் ஏற்பட்டுள்ளன.

நீலகிரியில் கடந்த மூன்று நாட்களாக ஏற்பட்டுள்ள கனமழையால் உண்டான வெள்ளப்பெருக்கு, மண் சரிவு உள்ளிட்ட காரணங்களால் அந்த மாவட்டத்தில் இதுவரை மூன்று பேர் உயிரிழந்துள்ளதாக செய்திகள் தெரிவிக்கின்றன.

தேசியப் பேரிடர் மீட்புப் படை, மாநில அரசுத் துறைகள் ஆகியவற்றைச் சேர்ந்த சுமார் 500 பேர் மீட்பு மற்றும் உதவிப் பணிகளில் ஈடுபட்டு வருகின்றனர்.

இன்று (வெள்ளிக்கிழமை) பகல் நேர நிலவரப்படி அங்கு இதுவரை 1,700 பேர் உதவி முகாம்களில் தங்க வைக்கப்பட்டுள்ளனர்.

தமிழகம் மற்றும் இந்தியாவின் பிற பகுதிகளில் பெய்துவரும் கனமழையால் பல பகுதிகளில் வெள்ளம் ஏற்பட்டுள்ளது, சில இடங்களில் உயிரிழப்புகளும் ஏற்பட்டுள்ளன.

நீலகிரியில் கடந்த மூன்று நாட்களாக ஏற்பட்டுள்ள கனமழையால் உண்டான வெள்ளப்பெருக்கு, மண் சரிவு உள்ளிட்ட காரணங்களால் அந்த மாவட்டத்தில் இதுவரை மூன்று பேர் உயிரிழந்துள்ளதாக செய்திகள் தெரிவிக்கின்றன.

தேசியப் பேரிடர் மீட்புப் படை, மாநில அரசுத் துறைகள் ஆகியவற்றைச் சேர்ந்த சுமார் 500 பேர் மீட்பு மற்றும் உதவிப் பணிகளில் ஈடுபட்டு வருகின்றனர்.

இன்று (வெள்ளிக்கிழமை) பகல் நேர நிலவரப்படி அங்கு இதுவரை 1,700 பேர் உதவி முகாம்களில் தங்க வைக்கப்பட்டுள்ளனர்.

மீண்டும் வெள்ளத்தில் மிதக்கும் கேரளா
படத்தின் காப்புரிமைTWITTER
கடந்த ஆண்டு கடுமையான வெள்ள பாதிப்புகளால் உயிர் மற்றும் பொருட் சேதங்களை சந்தித்த கேரளாவின் சில மாவட்டங்களில் இந்த ஆண்டும் கடுமையான வெள்ளம் ஏற்பட்டுள்ளது.

கனமழை காரணமாக மேற்குத் தொடர்ச்சி மலையை ஒட்டி அமைந்துள்ள இடுக்கி, பத்தனம்திட்டா உள்ளிட்ட மாவட்டங்களில் உள்ள அணைகள் திறக்கப்பட்டுள்ளன.

கேரளாவின் மத்திய மற்றும் தென் பகுதிகளில் உள்ள ஒன்பது மாவட்டங்களுக்கு சிவப்பு எச்சரிக்கை விடுக்கப்பட்டுள்ளது.

மாநிலம் முழுவதும் சுமார் 315 வெள்ள நிவாரண முகாம்கள் அமைக்கப்பட்டு அதில் 22,165 பேர் தங்கவைக்கப்பட்டுள்ளனர்.

வயநாடு மற்றும் நிலம்பூரில் இதுவரை 22 பேர் உயிரிழந்துள்ளதாக அதிகாரப்பூர்வ தகவல்கள் தெரிவிக்கின்றன.