2020ஆம் ஆண்டு முதல் பொதுமக்கள் விண்வெளி ஆய்வு மையத்திற்கு சுற்றுலாவுக்கு அனுப்பப்படுவர் என நாசா கூறியுள்ளது.

அமெரிக்கா, ரஷ்யா உள்ளிட்ட 13 நாடுகள் விண்வெளியில் சர்வதேச விண்வெளி ஆய்வு மையத்தை அமைத்துள்ளன. இதுவரை விண்வெளி வீரர்கள் மட்டுமே அங்கு சென்றுவருகின்றனர்.

இந்நிலையில், அடுத்த ஆண்டு முதல் விண்வெளி ஆய்வு மையத்துக்கு பொதுமக்கள் சுற்றுலா செல்ல அனுமதிக்க நாசா திட்டமிட்டுள்ளது. விண்வெளி ஆய்வு மையத்தில் ஓரிரவு தங்குவதற்கான கட்டணம் இந்திய மதிப்பில் 24.28 லட்சம் ரூபாய். தங்குவது ஓரிரவுதான் என்றாலும் அதற்கான பயணம் 30 நாட்கள் நீடிக்கும் எனவும் கூறப்பட்டுள்ளது.

ஓர் ஆண்டுக்கு இரண்டு பேர் மட்டுமே விண்வெளி ஆய்வு மையத்துக்குச் செல்ல அனுமதிக்கப்படுவர். ஸ்பேஸ் எக்ஸ் ராக்கெட் மூலம் அவர்கள் விண்வெளிக்குச் செல்வார்கள்.

சர்வதேச விண்வெளி ஆய்வு மையத்தை பராமரிக்கவும், எதிர்கால திட்டங்களுக்கும் நிதி திரட்டவும் இந்த திட்டத்தை வகுத்துள்ளது. ஏற்கெனவே 2001ல் டென்னிஷ் டிட்டோ என்ற அமெரிக்க தொழிலதிபர் சர்வதேச விண்வெளி ஆய்வு மையத்துக்கு சுற்றுலா சென்றது குறிப்பிடத்தக்கது.